|
|
ACTA
CAPITULORUM GENERALIUM |
|
|
|
Acta
capitulorum generalium ordinis praedicatorum [I-III],
ed. Benedictus Maria Reichert (Rome, 1898-1900 ; Monumenta
Ordinis Fratrum Praedicatorum Historica, vol. 3, 4 et 8). |
|
|
Paris |
Ut
festum beati Vincencii fiat de cetero semiduplex. |
Acta,
I, p. 11 |
|
Bologne
1241 |
Admonemus
ut in festo .ix. lectionum dicatur ad primas vesperas. Transit
pauper. ad secundas O lumen.
pro memoria. |
Acta,
I, p. 15 |
|
Bologne
1242 |
Ne
aliquo modo fiant discantus a fratribus nostris in ecclesiis nostris
vel alienis. |
Acta,
I, p. 23. |
|
Paris |
Fratres
non studeant in libris philosophicis. nisi secundum quod scriptum est
in constitucionibus. nec eciam scripta curiosa faciant. |
Acta,
I, p.26. |
|
|
Fiat festum .ix. lectionum de XI milium virginum. Similiter et de sancta Helisabeth.
|
Acta,
I, p. 27. |
|
Bologne
1244 |
Volumus
et mandamus, ut diffinitores proximo sequentis capituli generalis, pro
concordando officio, portent secundum ad dictum capitulum omnes
rubricas et notulas breviarii nocturni et diurni, et gradualis et
missalis. |
Acta,
I, p. 29. |
|
Cologne
1245 |
Ubi
salve regina coram populo
dicitur, post fidelium anime, fratres in chorum revertantur, et more
solito, pater noster, et credo
in deum, dicant. |
Acta,
I, p. 32. |
|
|
Inter
pascha et octavas penthecosten, ad laudes non pulsetur. |
Acta,
I, p. 32. |
|
|
Committimus
quatuor fratribus Francie, Anglie, Lombardie, Theotonie, quod stantes
in domo Andegavensi [Angers] officium nocturnum, et diurnum, tam in
littera, quam in cantu et rubricis, corrigant et concordent, ac
defectus suppleant, cum quanto possint dispendio minori, et quilibet
de predictorum quatuor afferat tam nocturnum quam diurnum officium,
secum de provincia sua, et hec provinciales procurent, et sint in
festo Remigii, et si qui non venerint, alii nichilominus procedant. |
Acta,
I, p. 33. |
|
Paris
1246 |
Credo
in deum, non dicatur ante primam nec post completorium. |
Acta,
I, p. 35. |
|
|
Tota
ordinatio ecclesiastici officii facta a quatuor fratribus quatuor
provinciarum, vel facienda usque ad annum, communiter per totum
ordinem observetur ; et si in aliquo dubitaverint, magistri
sententia teneatur. Item, hanc ut liber lectionarius, tam de tempore
quam de festis quem committimus provinciali Francie ordinandum,
universaliter per totum ordinem recipiatur. |
Acta,
I, p. 35-36 ; Montpellier, 1247 (Ibid.,
p. 39). |
|
Montpellier |
Quod
fratres horas quas dicunt extra chorum, tractim dicant et distincte.
Officium eciam defunctorum, tam in choro, quam extra chorum, devocius
quam aliqui consueverunt, persolvatur. |
Acta,
I, p. 39. |
|
Londres |
Ubi
dicitur in constitucionibus. Et in omni oracione quando nomen beate
virginis nominatur, addatur et dicatur sic, Quando nomen beate
virginis et beati Dominici nominatur. et eciam quando nomen beate
virginis nominatur in antiphona. Et hec habet ii capitula. |
Acta,
I, p. 48. |
|
|
Prohibemus
ne fratres nostri cantent nisi in ea voce, in qua cantus inchoatus
est, non in octava. |
Acta,
I, p. 53. |
|
|
Quod
te deum laudamus, non
cantetur in electione prioris provincialis. |
Acta,
I, p. 53. |
|
|
Quod
conversi recipiantur in capitulo clericorum, et ibidem, veni
creator, legendo dicatur. |
Acta,
I, p. 53 |
|
Metz |
Inchoamus
hanc constitutionem : quod festum beate Katherine fiat festum
semiduplex et cum hystoria propria celebratur. Quod in festo beate
Magdalene, fiat memoria de beata Martha. Et quod festum XI milium
virginum fiat festum IX lectionum. |
Acta,
I, p. 56. |
|
|
Officium
diurnum et nocturnum secundum ultimam correpcionem ab omnibus
recipiatur, et unum exemplar Parisius, aliud Bononie reponatur, et
secundum eorum formam omnes libri ordinis scribantur vel corrigantur. |
Acta,
I, p. 60. |
|
Bologne |
Cum
missa dicitur post aliquam horam et alia hora non sequitur post missam
immediate, dicatur « fidelium » et « pater noster »
sicut post horas solet dici. Si autem missa fuerit de mortuis,
postquam dictum fuerit, « requiescant in pace », non
dicatur, « fidelium », sed tantummodo, « pater
noster ». In fine vero misse, sacerdos qui celebrat, nunquam det
benedictionem. |
Acta,
I, p. 64. |
|
Buda |
Festum
beati Petri martiris, fiat totum duplex, et pax detur in conventu. |
Acta,
I, p. 71. |
|
Milan |
Approbamus
has. In capitulo de officio ecclesie, ubi dicitur « totum
officium tam diurnum, quam nocturnum », addatur, « secundum
ordinacionem et correctionem, venerabilis patris nostri fratris
Hymberti magistri ordinis confirmamus ». Et hec habet II
capitula. |
Acta,
I, p. 73. |
|
Paris |
Apponatur
diligencia, quod festum beati Dominici et beati Petri, ubique
celebretur, et quod ymagines eorum in locis congruentibus depingantur,
et nomina eorum in kalendariis et litaniis et martirologiis
annotentur. |
Acta,
I, p. 81 |
|
|
Volumus
ut qualibet septimana, dicantur in quolibet conventu VII psalmi cum
letania, a fratribus prostratis, cum oracione beata virgine, et beato
Dominico, et Ineffabilem, cum versiculis, pro bono statu ordinis,
quousque hoc fuerit revocatum. |
Acta,
I, p. 82-83. |
|
Florence
1257 |
Conversi
dum sunt in conventu, non dicant horas canonicas, vel de beata
virgine, ita quod ab aliis audiantur, et si qui habent psalteria, vel
aliquos libellos, infra XV dies auferantur ab eis, per priores vel
eorum vicarios. |
Acta,
I, p. 87. |
|
|
Fratres
ad, o dulcis Maria, de sero
non flectant genua sicut ad salve
regina, sed inclinent profunde. |
Acta,
I, p. 89. |
|
Toulouse
1258 |
Fratres
possunt amodo cessare, a VII psalmis et letania dicendis in epdomada. |
Acta,
I, p. 92. |
|
Strasbourg 1260 |
In
kalendario, quod in crastino Basilidis, Cyrini et Naboris, scilicet
idibus iunii, scribatur sic, festum Antonii confessoris de ordine
minorum, tres lectiones. Et eciam in martyrologio eodem die, addatur,
et dicatur sic in fine, eodem die Beati Antonii confessoris de ordine
fratrum minorum. |
Acta,
I, p. 104 ; Bologne, 1262 (Ibid.,
p. 113). |
|
Paris |
In
ordinario in rubrica de festo beati Petri, in fine dicatur sic.
« fiat eciam cotidie memoria usque ad octavum diem, in
matutinis, per antiphonam Petrus
novus, in vesperis per antiphonam Ad
sancti Petri. » |
Acta,
I, p. 124 ; Montpellier, 1265 (Ibid.,
p. 127) ; Trêves, 1266 (Ibid.,
p. 132). |
|
|
De
beato Gregorio fiat festum semiduplex. |
Acta,
I, p. 124 ; Montpellier, 1265 (Ibid.,
p. 127). |
|
Montpellier |
Quod
fiat festum trium lectionum de beato Eduardo, et magister ordinis,
provideat de officio, et de die, Et hec patet III capitula. |
Acta,
I, p. 126. |
|
Trêves |
In
capitulo de sollempni celebratione capituli. post illud. « de
consilio respondeatur », addatur, « perlectis autem
litteris et facta recommendacione vivorum, dicatur psalmus, ad
te levavi, kyrie eleison,
pater noster, cum versu, salvos
fac, et oracione, pretende,
etc. » Et hec habet II capitula. |
Acta,
I, p. 132. |
|
|
In
ordinario in rubrica. de officio b. virginis, ubi dicitur, « preter
completorium », addatur « et matutinas que legendo post
matutinas de tempore sunt dicende in choro, et quidquid huic
contrarium invenitur in constituccionibus, in ordinario, et breviario,
magistro ordinis committimus corrigendum. » |
Acta,
I, p. 132-133. |
|
|
De
sanctis. Ieronimio et Ambrosio, fiat festum semiduplex. |
Acta,
I, p. 133. |
|
|
De
sancta Martha. fiat festum trium lectionum, et magister ordinis
provideat de officio et de die. |
Acta,
I, p. 133. |
|
Viterbo |
In
rubrica misse. ubi agitur de pace danda, ubi dicitur « in
dominicis autem diebus », addatur, et « festis
semiduplicibus et supra. » |
Acta,
I, p. 142 ; Paris, 1269 (Ibid.,
p. 146). |
|
|
Infra,
ubi dicitur, « illi vero qui pacem receperunt », deleatur
totum usque « ibi, in ceteris autem diebus nunquam pax detur.
etc. » |
Acta,
I, p. 142. |
|
|
Infra,
ubi dicitur, « si festum duplex, vel totum duplex, in dominica
evenerit », deleatur totum, et dicatur sic, « in festis
duplicibus, et totis duplicibus etc. » |
Acta,
I, p. 142 ; Paris, 1269 (Ibid.,
p. 146). |
|
Paris |
In
oracione, a cunctis, post illud, et beatis apostolis tuis Petro et
Paulo, addatur atque beato Dominico. Et hec habet ii capitula. |
Acta,
I, p. 146. |
|
|
In
rubrica misse. dominica in ramis palmarum post illud, « nec
signent se fratres », addatur, « cum ille qui legit
passionem, pronunciaverit, emisit spiritum, sileat, et totum chorus
prosternat se super formas, devote gracias agens redemptori, donec
facto signo a prelato, surgat chorus, et lector prosequatur passionem.
Idem eciam fiat in aliis passionibus, ubi dicitur, expiravit, vel
tradidit spiritum. » |
Acta,
I, p. 146-147. |
|
Milan |
Quoniam
per assignacionem festi beati Eduardi ante festum sanctorum Fabiani et
Sebastiani irritantur plures rubrice, ipsum transferimus, ut fiat iii
ydus octobris, immediate ante festum Calixti pape, et omnes rubrice ad
dictum festum spectantes transferantur ad diem predictam. In
lectionario eciam tam de eo, quam de beato Antonio fratrum minorum,
inserantur lectiones, compilate de eorum vita, in breviariis vero
portatilibus de communi confessorum fiant lectiones. |
Acta,
I, p. 155-156. |
|
Lyon |
Fiat
de beata Martha festum trium lectionum, et magister ordinis provideat
de officio et de die. |
Acta,
I, p. 173 ; Pise, 1276 (Ibid., I, p. 183). |
|
Pise |
In
letania, ubi dicitur, « episcopos et priores », deleatur
« priores » et dicatur « prelatos ». |
Acta,
I, p. 185 ; Bordeaux, 1277 (Ibid., p. 190). |
|
Bordeaux |
Ordinamus,
quod singulis diebus immediate post matuttinas, exceptis festis
simplicibus et supra, fratres in choro super formas prostrati pro bono
statu et conservacione ordinis, dicant psalmum, deus
in adiutorium cum letania, qua finita dicatur, kyrie
eleyson, pater noster,
cum versiculis, post partum
virgo, ora pro nobis beate
Dominice, memor esto
congregacionis tue, salvos
fac servos tuos, esto nobis
domine turris fortitudinis, et oracionibus, « protege domine
famulos tuos », « concede quesumus omnipotens deus »,
et, « ineffabilem misericordiam tuam », et ad ista
suffragia fratres, ubicumque fuerint, teneantur. |
Acta,
I, p. 192 ; Oxford, 1280 (Ibid.,
p. 208). |
|
|
Ordinant
magister ordinis, quod festum beate Marthe fiat VI kalendas augusti,
et in kalendariis et rubricis de officio inseratur. et officium dicti
festi ordinatum per eumdem magistrum, socii provincialium ad suas
provincias secum ferant, ut in capitulis provincialibus de eo
fratribus copia prebeatur. |
Acta,
I, p. 192. |
|
|
Sexto
kalendas augusti fiat festum trium lectionum de beata Martha hoc modo,
in vesperis hymnus Huius
optentu etc. gloria patri
geniteque proli, etc. ad magnificat antiphona ista
est virgo sapiens etc., oracio « Exaudi nos deus salutaris
noster » etc., ad matutinas hymnus Huius
optentu, gloria patri,
etc. tria responsoria ultima de communi unius virginis, scilicet Audivi
vocem etc. Veni etc., Regnum
mundi etc., in laudibus hymnus Ihesu
corona etc. super psalmos antiphona Ista
est, ad benedictus antiphona Veni
electa mea etc., in missa officium Gaudeamus
omnes in domino etc. oracio « Exaudi nos » etc.,
epistola « Mulierem fortem qui inveniet » etc. usque ad
illum locum, « manus suas aperuit inopi », et « palmas
extendit ad pauperes » inclusive, responsorium Propter
veritatem etc., alleluia Veni
electa mea etc. evangelium « intravit Ihesus in quoddam
castellum » etc., offertorium Filie
regum, secreta, « accepta sint tibi domine » etc.,
communio Diffusa est gracia in
labiis, post communionem « sacrasti domine ». |
Acta,
I, p. 192. |
|
Bologne |
In
letania ubi dicitur « sancta Katherina ora pro nobis »,
addatur « sancta Margareta ora pro nobis ». |
Acta,
I, p. 228 ; Paris, 1286 (Ibid., I, p. 231). |
|
|
Admonemus,
quod omni tempore dicatur semel in septimana missa conventualis de
beata virgine, nisi causa legitima obstiterit. |
Acta,
I, p. 228. |
|
Paris |
In
ordinario ad memoriam beati Dominici per totum annum etc. in vesperis
ubi dicitur, « ad magnificat antiphona Magne
pater, et in laudibus antiphona Benedictus »,
deleantur iste due antiphone, et provideat magister ordinis de aliis
duabus in diebus profestis, et de aliis duabus in diebus festivis. |
Acta,
I, p. 232-233. |
|
|
In
ordinario sive in missali, rubrica ad memoriam beate virginis, ubi
dicitur, alleluia virga Iesse
provideat magister quod non solum virga Iesse habeatur, sed alium
superaddatur, que duo alleluia alternatim cantentur, dum officium de
beata virgine celebratur. |
Acta,
I, p. 233. |
|
|
Inchoamus.
quod magister ordinis provideat de alio modo dicendi passionem. |
Acta,
I, p. 233. |
|
|
In
letania ubi dicitur « sancte Ieronime », addatur « sancte
Isidore ora pro nobis ». Item ubi dicitur « sancte
Benedicte », addatur « sancte Bernarde ora pro nobis ». |
Acta,
I, p. 233. |
|
|
In
eadem ante illud omnes sancti, immediate preponatur sancta Helyzabet
ora pro nobis. |
Acta,
I, p. 233. |
|
Lucca |
De
sanctis Ieronimo et Ambrosio, fiat festum semiduplex, et in ordinario,
ubi dicitur, « sancti Ambrosii episcopi », deleatur et
dicatur sic, « in festo sancti Ambrosii episcopi in primis
vesperis super psalmos antiphona, iste
sanctus, responsorium, sancte
Ambrosii Christi confessor, et oracio, “deus qui populo tuo” » |
Acta,
I, p. 244. |
|
|
In
eodem ordinario, ubi dicitur, « sancti ieronimi presbyteri »,
deleatur et dicatur sic, « in festo sancti ieronimi presbiteri
in primis vesperis super psalmos antiphona Iste
sanctus, responsorium sancte
Ieronime Christi confessor, et oracio “deus qui nos” ». |
Acta,
I, p. 244. |
|
Ferrare |
Volumus
et ordinamus, ut pro bono statu et conservacione nostri ordinis, et ut
ordinem deus preservet ad instantibus periculis, fiat cotide per
ordinem memoria de beata virgine, preterquam in duplicibus et supra,
tam in vesperis quam in matutinis. Fiat autem semper ante memoriam de
beato Dominico et dicatur in matutinis antiphona, sancta
dei genitrix etc. in vesperis autem antiphona, sub
tuum presidium, etc. et utrobique versiculus, post
partum, etc. et oracio, « protege domine famulostuos »,
etc. fiat eciam cotidie memoria de beata virgine Maria in missa per
oracionem, « concede nos », preterquam in duplicibus et
supra, dummodo non sint tot memorie sanctorum, que numerum excedant
prescriptum. |
Acta,
I, p. 257. |
|
|
Inhibemus,
ne in conventibus nostris organa aut due campane simul ad horas
pulsentur, preterquam Bononie, ubi ob reverenciam beati Dominici
patris nostri hoc permittatur, ita tamen, quod hoc cum decentia et
honestate debita observetur. |
Acta,
I, p. 258. |
|
Montpellier |
In
letania ubi dicitur, « sancte Benedicte », addatur,
« s. Bernarde ora pro nobis ». |
Acta,
I, p. 272. |
|
|
In
eadem post illud « s. Maria Magdalena », addatur, « s.
Martha ora pro nobis ». |
Acta,
I, p. 272. |
|
|
Admonemus
et ordinamus quod per octavas b. virginis, nativitatis et asumcionis
quando de eis agitur, dicantur XV psalmi graduale, sicut in sabbatis,
quando de ipsa fieri consuevit. |
Acta,
I, p. 272. |
|
Strasbourg |
Inchoamus,
quod de sancto Wenceslao martire, fiat festum trium lectionum, in
vigilia sancti Michaelis, et annotetur in ordinario et kalendario
locis suis, et magister ordinis curet de officio providere. |
Acta,
I, p. 278 ; Venise, 1297 (Ibid., p. 283) ; Metz, 1297
(Ibid., p. 287). |
|
|
Cum
sanctissimus pater dominus Bonifacius papa nuper ordinaverit atque
mandaverit, quod festa precipua sanctorum apostolorum et
evangelistarum, doctorum IIIIor scilicet, Gregorii, Ambrosii,
Augustini et Ieronimi, annuatim sub officio duplici celebrentur,
volumus et mandamus ac districte iniungimus, quod predicta ordinacio
in omnibus ecclesiis tam fratrum quam sororum ordinis nostri cum omni
diligencia observetur, et predicta festa in kalendario sub titulo
festi duplicis inserantur. |
Acta,
I, p. 279 |
|
|
In
festis autem sanctorum, scilicet, Ambrosii, et Ieronimi dicatur in I
Vesperis super psalmos antiphona Iste
sanctus digne et VI responsorium de confessoribus, et hoc idem in
ordinario annotetur. |
Acta,
I, p. 279. |
|
Venise |
De
nativitate sancti Iohannis Baptiste, et de beatis apostolis Petro et
Paulo et de beata Maria Magdalena, fiat festum totum duplex, et
magister ordinis curet de sequenciis providere, et illud quod
continetur in VI lectione de Magdalena, « translatum est autem »,
etc. deleatur totum usque in finem |
Acta,
I, p. 283 ; Metz, 1298 (Ibid., p. 287), Marseille,
1300 (Ibid.,
p. 295). |
|
|
De
beato Nycholao fiat festum duplex. |
Acta,
I, p. 283 ; Metz, 1298 (Ibid., p. 287), Marseille, 1300 (Ibid.,
p. 295).
|
|
Metz |
De
sancto Ludovico confessore, fiat festum simplex VIII kalendas
septembris, et magister ordinis curet de officio providere, et
annotetur in ordinario et kalendario locis suis. |
Acta,
I, p. 289 ; Marseille, 1300 (Ibid. p. 296), Cologne, 1301
(Ibid., p. 302). |
|
|
In
festo sancti Ambrosii quando tempore paschali evenerit, dicatur in
primis vesperis super psalmos antiphona Iste
sanctus digne etc. cum alleluia, et responsorium De
ore prudentis etc. et hoc idem in ordinario annotetur. |
Acta,
I, p. 291 |
|
|
<Office
et messe de St Wenceslas> |
Acta,
I, p. 292-294 ; Marseille, 1300 (Ibid. p. 299-300). |
|
|
De
nativitate beati Iohannis Baptistae et beatis apostolis Petro et
Paulo, atque beata Maria MAgdalena, fiat festum totum duplex, et
magister ordinis curet de sequenciis providere. Et id quod continetur
in .vi. lectione de beata Maria Magdalena, scilicet, translattum est
autem etc., deleatur usque in finem. Et hec habet iii capitula. |
Acta,
I, p. 295. |
|
Marseille |
Quod
de beato Ignacio martire fiat festum trium lectionum, die qua fit
memoria de ipso, et annotetur in ordinario et kalendario locis suis,
et magister ordinis curet de officio providere. |
Acta,
I, p. 297 ; Cologne, 1301 (Ibid., p. 302), Bologne, 1302 (Ibid.,
p. 311) |
|
Bologne |
Ordinamus et volumus quod pro conservacione et bono statu ordinis dicatur in vesperis antiphona sancta dei genitrix in matutinis vero, Sub tuum presidium, cum versiculo Ora pro nobis et collecta « protege domine famulos ».
|
Acta,
I, p. 315. |
|
Besançon,
1303 |
Letania.
more solito, adiunctis beato Bernardo in fine post confessores, et
beata Martha post b. Mariam Magdalenam, in profestis diebus
praeterquam in diebus rogacionum dicatur. |
Acta,
I, p. 323. |
|
Gênes |
In
ordinario in rubrica de festo toto duplici, ubi dicitur :
« festum totum duplex fiat », post illud : « que
in kalendariis sunt notata », addatur : « feria Va
infra octavas trinitatis fiat festum totum duplex de Corpore Christi,
sicut summus pontifex ordinavit. Quod si festum in translacione b.
Dominici evenire contigerit, ad sequentem feriam transferatur ». |
Acta,
II, p. 8 |
|
|
Quod
fiat festum duplex de sancto Vincencio. |
Acta,
II, p. 11 |
|
|
Quod
fiat festum trium lectionum de sancto Alexio XVI kalendas augusti, et
magister curet de officio providere. |
Acta,
II, p. 11. (cf. 1307, Ibid., p. 24). |
|
|
Ordinamus,
quod quandocumque fratres processionaliter vadunt ad Salve
regina apertis ianuis capis induti incedant propter ordinis
honestatem. Idem fiat in aliis processionibus quibuscunque ; in
missis quoque conventualibus idem volumus observari. |
Acta,
II, p. 12. |
|
Paris |
In
ordinario de rubrica ad memoriam faciendam de b. virgine etc. ponatur
in principio : « per totum annum fiat memoria de b. virgine
in vesperis per antiphonam : Regali
ex progenie, versum : Ora
pro nobis, collecta : “Protege”. In matutinis vero per
antiphonam : Sub tuum,
versum : Post partum,
et oracionem predictam ante memoriam de b. Dominico diebus, quibus
memoria de b. Dominico fieri consuevit, et infra octavas exceptis
diebus, quibus secundum ordinarium de ea festum vel memoria sunt
agenda ». |
Acta,
II, p. 17 (cf. 1307, Ibid.,
p. 24). |
|
|
<IX
lectiones in festo sancti Ludovici confessoris> |
Acta,
II, p. 21-23. |
|
Strasbourg |
<Lectiones
et ordo missae in festo sancti Alexii confessoris> |
Acta,
II, p. 28-31. |
|
Metz |
Cum
ex singularibus beneficiis et graciis per beatam virginem ordini
nostro concessis, eam teneamur amplius ac devotius venerari, volumus
et ordinamus, quod semel in qualibet septimana missa de beata virgine
in singulis conventibus sollempniter celebretur. |
Acta,
II, p. 66. |
|
|
Cum
illustris dominus rex Francorum magistro et diffinitoribus preces
instantes porrexit pro sollempnitate de sancto Petro de Morone [Petro
Caelestino] confessore nuper cathalogo sanctorum ascripto fienda,
volumus et ordinamus, quod XIII kalendas iunii de eo in singulis
conventibus missa cantetur. |
Acta,
II, p. 66. |
|
Montpellier |
Letania
in profestis diebus more solito intus et extra ab omnibus dicatur,
addendo post versum : « Ora nobis, b. Domine »,
versum : « desiderium anime eius tribuisti ei domine »,
cum oracione, « Domine » ; respondeatur :
« et voluntate labiorum eius non fraudasti eum. Preces quas
tibi, offerimus, intercedente beato Petro martyre tuo, clementer
intende et pugiles fidei sub tua protectione custodi ». |
Acta,
II, p. 99-100. |
|
|
Item
ordinamus, quod missa de beata virgine et de beato Dominico in
qualibet septimana in quolibet conventu, vacante feria, et de beato
Petro martyr ad minus infra quindenam sollempniter celebretur. |
Acta,
II, p. 100 ; Pampelune, 1317 (Ibid.,
p. 104). |
|
Cahors |
Ut
gloriosi martyris beati Petri reverencia populorum cordibus arctius
imprimatur, approbamus hanc, ut in matutinis et vesperis post memoriam
de beato Dominico patre nostro fiat memoria de eodem. |
Acta,
II, p. 114. |
|
Rouen |
Confirmamus
hanc : Ut gloriosi martyris beati Petri reverencia populorum
cordibus arctius imprimatur, volumus, quod in matutinis et vesperis
post memoriam de beato Dominico, patre nostro, fiat memoria de eodem.
Et hec habet tria capitula. Et signetur in ordinariis loco suo. Fiat
autem memoria de beato Petro et officium de corpore Christi, donec
magister ordinaverit de eisdem. |
Acta,
II, p. 120. |
|
Florence |
In
ordinario in rubrica de festo trinitatis in fine, ubi dicitur :
« usque ad vesperas sequentis sabbati exclusive »,
deleatur : « sabbati exclusive », et dicatur :
« ferie IIII exclusive », et addatur : « feria
V post festum trinitatis fiat festum de corpore Christi totum duplex
cum octavis, quibus durantibus de quibuscumque aliis octavis preter
diem octave memoria tantum fiat. Si autem istud festum et nativitatis
s. Ioahnnis eadem die concurrant, in observancia eorum nos matrici
ecclesie conformamus. Officium autem diurnum et nocturnum fiat,
secundum quod per reverendum patrem magistrum ordinis extiterit
ordinatum ». Et hoc in ordinario in locis debitis annotetur.
Ordinat autem reverendus pater magister ordinis de diffinitorum
consilio et assensu, quod interim predictum officium decantetur, et
predicta ordinacio observetur. |
Acta,
II, p. 128-129 ; Vienne,
1322 (Ibid., p. 139) ;
Barcelone, 1323 (Ibid., p.
145). |
|
|
Ordinat
magister ordinis, ex commissione per tria generalis capitula immediate
precedencia sibi facta, quod ad memoriam, que fit de beato Petro
martyre per totum annum dicatur antiphona in matutinis : Petrus
novus, versus : prevenisti
eum in benedictionibus dulcedinis. Responsorium : posuisti
in capite eius coronam de lapide precioso. In vesperis antiphona :
ad sancti Petri ;
versus : desiderium anime
eius tribuisti ei, domine. Responsorium : et
voluntate labiorum eius non fraudasti eum. Et hec in ordinario et
rubrica de festo ipsius scribantur. |
Acta,
II, p. 129. |
|
|
Ordinamus,
quod missa de beata virgine et beato Dominico in quolibet conventu in
aliqua vacante feria singulis septimani, et de beato Petro martyre ad
minus semel in quindena sollempniter celebretur. |
Acta,
II, p. 135 ; Vienne, 1322. (Ibid.,
p. 142) ; Barcelone, 1323 (Ibid.,
p. 149). |
|
Bordeaux |
Confirmamus
hanc : scilicet quod officium corporis Christi per venerabilem
doctorem fratrem Thomam de Aquino editum, ut asseritur, per totum
ordinem fiat feria Va post festum trinitatis usque ad
octavas inclusive, et dictum officium in ordinario in locis debitis
annotetur. |
Acta,
II, p. 151. |
|
|
Volumus
quod de corpore Christi officium editum per beatum Thomam de Aquino,
ut asseritur, per totum ordinem fiat, illud officium a beato Thoma
editum dicimus, quod a capitulo Barchinonensi [1323] ad omnes
provincias fuit missum. |
Acta,
II, p. 152. |
|
Venise |
In
rubrica festi de corpore Christi, ubi dicitur : « si autem
istud festum et nativitatis sancti Iohannis » etc., post illud :
« nos matrici ecclesie conformemus », addatur : si
vero in festo sancti Barnabe vel translacionis sancti Dominici aut
cuiuscumque alterius sancti ipsum festum de corpore Christi occurrerit
celebrandum, quodcumque festum huiusmodi in precedentem IVam
feriam transferatur et festum de corpore Christi celebrabitur suo die. |
Acta,
II, p. 156 ; Paris,
1326 (Ibid., p. 163-164) ;
Perpignan 1327 (Ibid., p.
168). |
|
|
In
rubrica de credo in missa post illud : « in die pentecostes
et per ebdomadam cotidie ipsius », addatur : « et in
festo de corpore Christi ». |
Acta,
II, p. 156 ; Paris, 1326 (Ibid.,
p. 164). |
|
|
Approbamus
hanc, quod de sancto Thomas de Aquino, venerabili doctore, fiat per
totum ordinem septima die marcii festum totum duplex et in letania
immediate post beatum Dominicum nominetur, et illud officium per totum
ordinem uniformiter habeatur, de quo magister ordinis providebit, cui
ex nunc committimus de predicto officio providendum ; et hec tam
de festo quam de officio suis locis in kalendario et ordinario
annotentur. |
Acta,
II, p. 156 ; Paris, 1326 (Ibid.,
p. 164). |
|
|
Quod
in primis vesperis de corpore Christi debent dici psalmi Laudate
etc. sicut in aliis totis duplicibus fieri communiter consuevit,
cum hoc in capitulo generali Barchinone [1323] celebrato fuerit
ordinatum in diffinitorio. |
Acta,
II, p. 157. |
|
Paris |
Quod
in festo beati Michaelis fiat festum totum duplex. |
Acta,
II, p. 162 ; Perpignan, 1327 (Ibid.,
p. 167). |
|
|
Confirmamus
hanc, quod de sancto Thoma de Aquino, venerabili doctore, fiat per
totum ordinem septima die marcii totum duplex, et in letania immediate
post beatum Dominicum nominetur ; et illud officium uniformiter
per totum ordinem habeatur, de quo magister ordinis providebit, cui
committimus de predicto officio providendum. Et hoc tam de festo quam
de officio suis locis in ordinario et kalendario annoetur. Et hec
habet tria capitula. |
Acta,
II, p. 164. |
|
Perpignan |
In
rubrica de concommitancia festivitatum, ubi dicitur : « si
festum simplex vel maius post duplex » etc., post illud :
« excipitur festum beati Petri martyris et festum translacionis
beati Dominici, quando aliquod eorum in vigilia ascensionis evenerit »,
addatur : « Item festum translacionis beati Dominici,
quando sequenti die festum de corpore Christi fuerit celebrandum ». |
Acta,
II, p. 168. |
|
Toulouse |
Item
hanc, quod fiat memoria de Thoma de Aquino per octavas in laudibus per
antiphonam : O Thoma laus
et gloria ; in vesperis per antiphonam : Collaudetur
Christus rex glorie, cum versiculis de communi. Et hec in locis
suis in ordinario annotentur. |
Acta,
II, p. 177 ; Sisteron, 1329 (Ibid.,
p. 190), Trêves, 1330 (Ibid.,
p. 194), Vitoria, 1331 (Ibid.,
p. 206), Dijon, 1332 (Ibid.,
p. 216). |
|
|
Quod
in festo beatissimi archangeli Michaelis fiat festum totum duplex. Et
hec habet tria capitula. |
Acta,
II, p. 177. |
|
Sisteron
(Cistarici) |
Quod
fiat festum trium lectionum XI millium virginum, et magister ordinis
curet interim de officio providere. |
Acta,
II, p. 189 ; Trêves, 1330 (Ibid.,
p. 195), Vitoria, 1331 (Ibid.,
p. 207). |
|
|
Quod
de angelis fiat memoria per octavas s. Michaelis in laudibus per
antiphonam : Angeli et
archangeli, per versiculum etc. : In
conspectu angelorum psallam tibi etc. In vesperis vero per
antiphonam Laudemus dominum etc.
per versiculum : Angelis
suis etc. Et hoc in locis suis in ordinario annotetur. |
Acta,
II, p. 189 ; Trêves 1330 (Ibid.,
p. 195), Vitoria, 1331 (Ibid.,
p. 207). |
|
|
(...)
in missis conventualibus (...) immediate terminato pater
noster, prostratis fratribus super formas, dicatur psalmus : letatus
sum etc., postea sequatur : kyrie
elesion, Christe eleison,
pater noster etc. Quo
finito sacerdos, qui dicit missam, dicat : « et ne nos »
etc. et conventus respondeat : « sed libera nos a malo »
etc., et sacerdos subiungit versum : « domine salvos fac
reges » ; et chorus respondeat : « et exaudi nos »
etc. Item versus : salvum
fac populum tuum, domine, etc. Item versus : fiat
pax in virtute tua etc. Itam versus : domine
exaudi oracionem meam ; et subiungat sacerdos : dominus
vobiscum etc. cum oracionibus : « ecclesie tue »
etc. , item : « hostium nostrorum, quesumus, domine,
elide superbiam eorumque contumaciam dextere tue virtute prosterne per
Christum dominum nostrum » etc. |
Acta,
II, p. 190-191. |
|
Vitoria
(Victoriae) |
Quod
fiat festum XI millium virginum trium lectionum. Et hec habet tria
capitula ; et magister ordinis hoc anno provideat de officio et
curet in sequenti capitulo publicare. |
Acta,
II, p. 207. |
|
Dijon |
In ordinario in rubrica de memoriis faciendis, ubi dicitur, quod in paschali tempore de cruce fiat memoria nisi in totis duplicibus, deleatur : totis duplicibus, et dicatur : in duplicibus et supra. Et hec habet III capitula |
Acta,
II, p. 216. |
|
|
Quod de sancto Thoma de Aquino fiat memoria per octavas ipsius in laudibus per antiphonam : Collaudetur, et in vesperis per antiphonam : O Thoma, cum versiculo et oracione consuetis. Et hec habet III capitula. |
Acta,
II, p. 216. |
|
|
Quod de sancto Servacio episcopo et confessore fiant tres lectiones III ydus maii, et magister ordinis curet interim de officio providere. Et hec habet III capitula. Et hec omnia in locis suis in ordinario annotentur.
|
Acta,
II, p. 216-217. |
|
Limoges |
In rubrica de officio beate virginis, quando fiat de ipsa officium in sabbatis omnibus ab octavis pasche usque ad diem ascensionis, exceptis illis casibus, in quibus alio tempore in sabbatis officium eius intermitti consuevit, ita tamen, quod tantum tres psalmi primi nocturni dicantur, et antiphona ad magnificat : Regina celi letare etc. et ad benedictus : Beata dei genitrix Maria, non mutentur. |
Acta,
II, p. 222-223. |
|
|
Quod in hymnis beate Marie virginis : Quem terra, et : O gloriosa domina, adiungatur in fine immediate ante versum : gloria tibi domine, ille versus : Maria mater gracie etc. |
Acta,
II, p. 223 ; Londres, 1335 (Ibid.,
p. 228), Bruges, 1336 (Ibid.,
p. 236). |
|
|
Quod fiat memoria de beato Dominico patre nostro, beato Petro martyre et beato Thoma confessore sub una antiphona, versiculo et collecta in vesperis et in laudibus. et magister ordinis de hiis providebit. |
Acta,
II, p. 223. |
|
|
Quod de beato Marciali episcopo et confessore fiant tres lectiones XVI kalendas iulii. Et magister ordinis de officio providebit. |
Reichert,
Acta, II, p. 223 ;
Londres, 1335 (Ibid., p.
229), Bruges, 1336 (Ibid.,
p. 236). |
|
|
(...)
quod (...) in terminacione horarum officii in choro dicitur, statim
post flexis genibus fratres omnes dicant : Salve
regina sine nota cum versu : « Ora pro nobis »
etc., et versu : « Esto nobis domine turris » etc.
« dominus vobiscum », cum collecta : « Protege
domine », et : « Ecclesie tue » etc. et
terminetur : « Per Christum dominum nostrum Amen »,
nisi post completorium cum tunc Salve
regina cum nota dicatur. |
Acta,
II, p. 223. |
|
Bruges |
Confirmamus
hanc : In Ympnis beate virginis : Quem
terra,
et : O
gloriosa domina,
addatur in fine immediate ante versum : Gloria
tibi domine :
Maria
mater gracie,
etc. Et hec habet III capitula |
Acta,
II, p. 236. |
|
|
<Confirmamus>
quod de beato Marciali episcopo et confessore fiant tres lectiones XVI
kalendas iulii ; et magister ordinis de officio providebit. et
hec habet III capitula. |
Acta,
II, p. 236. |
|
Valences
|
Quod
de beato Vincencio martyre glorioso fiat per totum ordinem festum
duplex. |
Acta,
II, p. 244. |
|
Lyon |
Quod
de beato Vincencio martire fiat festum totum duplex, et magister
ordinis de sequencia providebit. Et hec III capitula. |
Acta,
II, p. 322. |
|
|
Ut iuvenes ad studia promovendi possint in grammaticalibus et musicalibus fundari sufficienter, mandamus prioribus provincialibus et diffinitoribus capitulorum provincialium, quod singuli in provinciis suis provideant de studiis grammatice et musice, tot quot necessaria fuerint pro suis iuvenibus in grammatica et musica instruendis, et provideant dictis studiis grammatice et musice fratribus ordinis vel secularibus ad expensas conventuum, si fuerit opportunum. |
Acta,
II, p. 323. |
|
Castres |
In
ordinario in rubrica de matutinis in sero post completorium dicendis,
ubi dicitur : « usque ad festum b. Augustini inclusive »,
deleatur, quod immediate sequitur : « et in festo s. Marie
Magdalene ». |
Acta,
II, p. 340. |
|
|
Inchoamus
hanc : quod singulis diebus, in quibus de beatis Dominico et
Petro martyre fit memoria in fine matutinarum et vesperarum, fiat
eciam de beato et sancto doctore glorioso Thoma de Aquino post
predictas, videlicet pro matutinis per antiphonam : Collaudetur
Christus, cum versu : Rigans
montes ; in vesperis vero per antiphonam : O
Thoma, cum versu : Declaracio
sermonum. Et hec omnia superius inchoata medio tempore volumus
integraliter observari. |
Acta,
II, p. 340 ; Besançon, 1353 (Ibid.,
p. 347), Narbonne, 1354 (Ibid.,
p. 357-358). |
|
Besançon |
Inchoamus
hanc : ad preces et instanciam principis regis Romanorum et
semper augusti quod de beato Adelberto martyre fiant tres lectiones
per totum ordinem sequenti die post festum b Georgii martyris. |
Acta,
II, p. 346. |
|
|
Quod
de beato Procopio confessore fiant tres lectiones per totum ordinem
consimili quarta die mensis iulii ; et magister ordinis de
officio providebit. |
Acta,
II, p. 346. |
|
|
Approbamus
hanc : In (capitulo in) ordinario in rubrica de officio beate
virginis, ubi dicitur : « ab octava epiphanie usque ad
septuagesimam in omnibus sabbatis, nisi festum simplex vel maius
occurrerit », deleatur quod dicitur : « in omnibus
sabbatis nisi festum simplex vel maius occurrerit », et addatur
sic : « in omnibus sabbatis tocius anni, preterquam in
sabbato ante dominicam primam quadragesime usque ad octavam pasche
inclusive, nisi festum simplex vel maius occurrerit, et preterquam in
octavis alicuius sancti, quando de eis agitur et in vigiliis
sanctorum, qui propriam habent missam, et in sabbatis quatuor temporum ».
Et hec habet II capitula. Et magister ordinis de officio providebit. |
Acta,
II, p. 346 ; Narbonne, 1354 (Ibid.,
p. 357). |
|
Narbonne |
Volumus
et ordinamus, quod in quolibet conventu, dicto « pater noster »
et « credo » post completorium, fiant tres pulsaciones cum
magna campana, et tunc fratres genibus flexis salutent virginem
gloriosam, dicendo ad minus tres Ave
Maria et post Fidelium in
horis dicatur a fratribus genibus flexis Salve
Regina cum quatuor collectis, prima : « Protege »,
secunda : « Deus omnium fidelium », tercia :
« Famulum tuum », quarta : « Ecclesie tue »,
addendo in fine : « et pacem tuam nostris concede
temporibus ». Versiculis precedentibus : « Ora por
nobis », pro prima, « oremus pro domino papa », pro
secunda ; « domine, salvum fac regem », pro tercia ;
« fiat pax in virtute », pro quarta. |
Acta,
II, p. 361-362 ; Pampelune, 1355 (Ibid.,
p. 369). |
|
Pampelune |
Quod
de sanctis angelis, Maria Magdalena et Vincentio octave per totum
ordinem celebrentur. |
Acta,
II, p. 363. |
|
|
Ad
instanciam serenissimi principis domini Karoli imperatoris semper
augusti, quod de lancea et clavis, quibus sanctissimum corpus domini,
cum fuit in crucis ara pro nostra salute transfixum, feria VIa
proxima post octavas resurrectionis eiusdem domini nostri Ihesu
Christi, fiat per totum ordinem festum simplex ; et magister
ordinis curet de officio providere. |
Acta,
II, p. 363. |
|
|
Approbamus
hanc : In capitulo de inclinacionibus, ubi dicitur :
« ad : suscipe deprecationem nostram », addatur sic :
« Item quandocumque nomen Ihesu in collecta, in prefacione, in
antiphona, aut in gloria in excelsis nominatur. Quando vero nomen
Ihesus alias nominatur in choro, fratres eidem reverenciam faciant,
capite devocius inclinato ». Et hec habet duo capitula. |
Acta,
II, p. 363-364. |
|
|
Approbamus
hanc : in ordinario post illud nobiter confirmatum de memoria de
sancto Thoma fienda, addatur sic : « tempore resurrectionis
addatur alleluia, brevi tono dictis antiphonis breviter correspondens ».
Et hec habet duo capitula. |
Acta,
II, p. 364 ; Verdun, 1356 (Ibid.,
p. 371). |
|
|
Confirmamus
hanc : In capitulo de suffragiis, ubi dicitur :
anniversarium vero fratrum, addatur ; et sororum ordinis nostri,
et ponatur in kalendario, ubi dicitur anniversarium supradictum. Et
hec habet tria capitula. |
Acta,
II, 364. |
|
|
Confirmamus
hanc : Ad instanciam et preces prefati serenissimi principis
domini domini imperatoris Romani semper augusti, quod de beato
Adelberto fiant tres lectiones per totum ordinem, sequenti die post
festum beati Georgii, et de beato Procopio confessore fiant tres
lectiones modo consimili IV die mensis iulii. Et hec habet tria
capitula. |
Acta,
II, 365. |
|
|
Mandamus
prioribus provincialibus universis, eis districtius imponendo quatenus
infra annum faciant in singulis conventibus, ubi expedit, libros chori
et ordinaria corrigi et compleri et constitutiones ordinis emendari. |
Acta,
II, 366. |
|
Verdun |
In
ordinario in rubrica de festo [corporis] Christi in fine addatur sic :
« quod si in octavis corporis Christi festum simplex vel maius
occurrerit, in sequentem immediate sextam feriam transferatur
preterquam festum beati Iohannis baptiste et apostolorum Petri et
Pauli. Et hec omnia medio tempore observentur.» |
Acta,
II, p. 370 ; Venise, 1357 (Ibid.,
p. 375), Strasbourg, 1358 (Ibid.,
p. 382). |
|
Venise |
Volumus
et ordinamus, ut ex ordinario habetur, et ut dissonancia, que ex
opposito oritur, recidatur, quatenus cantor finitis psalmis reincipiat
antiphonam, et fratres ceteri prosequantur, quod diligenter a suis
officialibus faciant priores in suis conventibus diligenter observari. |
Acta,
II, p. 379. |
|
|
Volumus
et ordinamus, quod in ordinario, kalendario et aliis locis debitis
festum sancti Adalberti episcopi et martyris in crastino sancti
Georgii annotetur, et de eo fiat officium sicut de sancto Urbano
martyre papa, quando evenerit tempore resurrectionis. |
Acta,
II |
|
|
Declaramus
hanc, quod officium beate virginis tempore paschali fiat sicut in
aliis temporibus, additis congruis aleluia, et in matutinis dicantur
tres psalmi primi nocturni cum antiphonis, ad magnificat : regina
celi, et ad benedictus : beata
dei, et collecta : « concede nobis » etc. |
Acta,
II, p. 380. |
|
|
Declaramus,
quod de beato Procopio debent fieri tres lectiones octavo idus iulii,
et fiat de eo, sicut de beato Mauro, et festum eius in kalendario et
aliis locis adnotetur. |
Acta,
II, p. 380. |
|
Prague |
Quod
de sancta Edwige fiant tres lectiones idibus octobris. |
Acta,
II, p. 384. |
|
|
Fratres
denique, nisi fuerint in divino officio, cantu et grammatica
sufficienter instructi, aut non fuerint secundum canones legitime
etatis ad sacros ordines promoveri, vel eciam ut promoveantur,
presentari non possint (...). |
Acta,
II, p. 385. |
|
Ferrare |
Inchoamus
hanc, scilicet : quod omni feria tercia, nisi festum simplex vel
maius occurrerit, fiant tres lectiones de beato Dominico, patre
nostro, preterquam a prima dominica quadragesime usque ad octavas
pasche, et preterquam infra octavas, quando de ipsis agitur, et
vigiliis festorum, quando propriam missam habent. De festo autem trium
lectionum, si aliquod in dicta feria evenerit, fiat solum memoria in
vesperis, matutinis et missa. Et hoc medio tempore observetur secundum
modum qui sequitur : ad vesperas capitulum : « quasi
stella » ; hymnus : gaude,
mater ; versus : « ora pro nobis » ; ad
magnificat antiphona : magne
pater, cum oracione « deus qui ecclesiam ». Ad
matutinum, invitatorium : adsunt
dom. ; ymnus : novus.
Antiphona super psalmos : florem
pudicie ; versus : iustum
deduxit ; lectiones de legenda de lectionario ;
responsoria tercii nocturni ; Te
deum pro tempore ; versiculus in laudibus : ora
pro nobis ; capitulum sicut in vesperis ; ympnus : ympnum
nove ; antiphona ad benedictus : benedictus
[redemptor] ; oracio : « Concede ». Ad
primam, terciam, sextam et nonam antiphone, capitula, responsoria et
oracio, ut in die festo ; tempore autem resurrectionis tres primi
psalmi dicantur additis locis debitis : alleluia. Missa vero de
festo simplici dicatur. |
Acta,
II, p. 393 ; Magdebourg, 1363 (Ibid.,
p. 397). |
|
Magdebourg |
Inchoamus
hanc : quod in terciis feriis a septuagesima usque ad
quadragesimam, quando missa cantatur de beato Dominico, post
responsorium cantetur tractus : Quasi
stella matutina. |
Acta,
II, p. 397. |
|
Valences |
Inchoamus
hanc : In ordinario, quod quando agitur feria tercia de beato
Dominico, secunda oracio sit de beato Petro martyre vel de sancto
Thoma, nisi in tempore paschali et nisi illa die sit festum trium
lectionum vel alicuius sancti memoria ; et quod a septuagesima
usque ad quadragesimam dicatur in missa loco tractu, Pie
pater sine alleluia, incipiente cantore et toto conventu
prosequente. |
Acta,
II, p. 403. |
|
|
Quod festum decollacionis beati Iohannis baptiste sub festo duplici celebretur. |
Acta,
II, p. 403. |
|
Gênes |
Declaramus,
quod feria tercia immediate nativitatem domini precedente et in
rogacionibus non debet fieri de beato Dominico, patre nostro, nisi
sola memoria. |
Acta,
II, p. 408. |
|
Valencia |
Inchoamus
hanc : Quod de festivitate omnium sanctorum fiant octave et
dicantur per octavas lectiones de communi martyrum, donec per
magistrum ordinis de lectionibus sit provisum, et post dictas octavas
festivitates sanctorum quatuor coronatorum et Theodori in feriis
immediate sequentibus vacantibus celebrentur. |
Acta,
II, p. 412. |
|
|
Item
hanc : Quod de sanctis angelis fiant octave, sicut de sanctis
octavas habentibus, ut in ordinario est notatum. |
Acta,
II, p. 412. |
|
|
Item
hanc : Quod festivitates trium lectionum, quando impedite
fuerint, transferantur. |
Acta,
II, p. 412. |
|
|
Approbamus
hanc, quod de translacione beati Thome de Aquino nostri ordinis fiat
festum totum duplex XXVIII die mensis ianuarii etquod in crastinum
fiat festum de beata Agnete secundo. |
Acta,
II, p. 412. |
|
|
Confirmamus
hanc : In ordinario, ubi dicitur : « quod omni tercia
feria », addatur sic : « quod a deus omnium usque ad
primam dominicam adventus in tercia feria, si sit missa de beato
Dominico, secunda oracio sit de beato Petro martyre vel de beato
Thoma, nisi eadem die fuerit festum trium lectionum, aut alicuius
sancti memoriam habentis, et quod istud alternetur, sicut quando
ebdomada erit de choro dextro, dicatur oracio de beato Petro martyre,
et quando erit de choro sinistro, dicatur oracio de beato Thoma,
doctore nostro eximio de Aquino ». |
Acta,
II, p. 412. |
|
|
Item.
Confirmamus hanc : In ordinario, ubi dicitur : « de
beata Maria Magdalena fiat festum duplex », addatur et dicatur
sic : « et de ipsa fiat memoria per octavam eiusdem in
matutinis per antiphonam : Intercede
supplicans etc. ; versus : Dimissa
sunt etc. ; oracio : “Largire” etc. ; et de beato
Vincencio fiat idem in matutinis per antiphonam : Beatus
Vincencius ; versus : Corona ;
oracio : “Adesto” ; in vesperis antiphona : Assumptus ;
versus Gloria et honore ;
oracio ut supra ». |
Acta,
II, p. 413. |
|
|
Ordinamus,
quod omnia missalia ordinis maxime in loco canonis corrigantur, quibus
officium nostri doctoris egregii sancti Thome integraliter annotetur ;
addicientes, quod post graciarum actiones in omnibus conventibus
semper dicatur in choro : Salve
regina, voce submissa cum responsu et collecta de beata virgine,
sicut ad horas diei fieri consuevit. |
Acta,
II, p. 414. |
|
|
Declaramus
hanc, quando aliqua responsoria non possunt dici aliquando in anno,
nisi in tercia feria vel in sabbato secundum rubricas ordinarii, in
tali tercia feria vel in sabbato non debet fieri officium de beato
Dominico vel in sabbato de beata virgine illa vice. |
Acta,
II, p. 417. |
|
Bourges |
Volumus
et ordinamus, quod quilibet frater iuvenis non competenter sciens
scribere et cantare, cogatur addiscere ad cantandum et scribendum per
abstinenciam in pane et aqua et per privacionem graciarum ordinis.
Novicii vero et primi noviter professi extra conventum, quanto rarius
fieri potest, licencientur, et non sine causa multum racionabile et
urgente. |
Acta,
II, p. 429. |
|
Carcassone |
Quod
in sabbatis in loco ultimorum versuum hymnorum, quando de beata
virgine agitur, dicatur : Maria
mater gracie etc. postmodum ; Gloria
tibi, domine, etc. |
Acta,
II, p. 441. |
|
|
Quod
in illa inchoacione in capitulo generali Valencie [1370] facta, quod
festivitates trium lectionum etc. addatur sic : « in
aliquam feriam sequentem eiusdem septimane vel precedentem, si sequens
non fuerit, tranferantur ». |
Acta,
II, p. 441-442. |
|
|
Precipimus
in virtute sancte obediencie prioribus conventualibus ac eorum loca
tenentibus universis, quatenus infra medium annum corrigant seu
corrigi faciant integraliter et perfecte constituciones, missalia et
ordinaria suorum conventuum ; qui vero in hoc defecerint, sint
ipso facto a suis officiis absoluti. |
Acta,
II, p. 442. |
OBÉDIENCE D’AVIGNON
|
Béziers |
Denunciamus
fratribus universis, quod reverendus magister ordinis speciali
commissione domini nostri pape Clementis septimi sibi facta de
nostrorum consilio et assnsu aliqua dubia circa rubricas divini
officii declaravit et defectus supplevit alios in eidem, isto modo ut
videlicet, quando igitur de beata virgine in sabbato vel in tercia
feria de beato Dominico, Te Deum laudamus in matutinis et gloria
in excelsis deo in missa per totum ordinem sunt dicenda. |
Acta,
III, p. 13. |
|
Avignon |
Approbamus
hanc, quod in sabbatis, in quibus agitur de beata virgine, antequam in
fine hymnorum dicatur versus gloria tibi domine, premittatur
versus Maria mater etc. , et postea subiungitur gloria
tibi, domine. |
Acta,
III, p. 14. Confirmé en 1388. |
|
|
Item.
Quod festivitates trium lectionum, que impedientur feria tercia vel
sabbato propter officium beati Dominici aut beate virginis, in primas
ferias eiusdem septimane vacantes vel immediate sequentes, si in prima
septimana plures ferie vacantes non fuerint, transferantur. |
Acta,
III, p. 14. Confirmé en 1388. |
|
Rodez |
Quod
fiat festum totum duplex de translacione beati Petri martyris, ordinis
nostri sancti, die prima iunii, et fiat officium partim sicut in festo
eiusdem et partim de communi unius martyris, donec de officio sit
provisum. |
Acta,
III, p. 31. |
|
|
Item
hanc : quod fiant octave de festo omnium sanctorum angelorum, et
beate Marie Magdalene ; et festivitates, que infra dictas octavas
occurrerint, ad primas ferias vacantes post ipsas octavas secundum
ordinem debitum transferantur ; et omnes iste inchoaciones medio
tempore observentur. |
Acta,
III, p. 31. |
|
|
(Confirmationes)
Item hanc : de beatis Blasio martyre et Antonio abbate fiat
festum simplex illis diebus, quibus de eis in nostro ordine festum
fieri consuevit. |
Acta,
III, p. 31. |
|
|
(...)
Addicientes, quod in quolibet conventu nostri ordinis post missam
conventualem cantetur omni die devote antiphona : Sub tuum
presidium vel responsorium : Virgo parens Christi cum
versu : Ora pro nobis et oracione ; Protege
domine. Et post antiphonam : Salve regina post completorium
dicatur responsorium vel antiphona de beato Dominico vel de beato
Petro Martyre vel beato Thoma cum versiculis suis et collectis. |
Acta,
III, p. 32. |
OBÉDIENCE DE ROME
|
Vienne |
Approbatum
est, quod festum translacionis beati Petri martiris in crastino sancti
Iohannis apostoli ante portam latinam sub festo toto duplici
celebretur. |
Acta,
III, p. 92. Confirmé à Ferrare, 1391. |
|
Ferrare |
[Ferrarie]
confirmatum est, quod festum translacionis beati Petri martiris in
crastino sancti Iohannis apostoli ante protam latinam subfesto toto
duplici celebratur. |
Acta,
III, p. 92. |
|
|
Anno
domini 1391 inchoatum est, quod in ympnis Quem terra et O
gloriosa domina et in aliis ympnis eiusdem metri, quando de
beata virgine agitur, semper in fine ympnorum addatur : Maria
mater gracie et gloria tibi domine. |
Acta,
III, p. 92. |
|
Venise |
...
inchoatum est quod festum visitacionis viriginis gloriose et de
apostolis Petro et Paulo memoria fiat. et in crastino post festum
visitacionis fiat memoria de martiribus Processi etc. |
Acta,
III, p. 92. |
|
|
Item.
Ibidem declaratum est quod xi. die mensis iulii fiat festum trium
lectionum de sancto Procopio. |
Acta,
III, p. 93. |
|
|
Et
festum visitacionis approbatum est Francfordie anno domini 1397 et
anno domini 1462 Senis. |
Acta,
III, p. 93. |
|
|
Et
anno domini 1394 ordinatum est, quod festum concepcionis virginis
Marie debet solempniter celebrari sub festo duplici sub nomine
sanctificacionis et cantari hystoria de nativitate beate virginis
mutato nomine nativitatis in sanctificacionis. |
Acta,
III, p. 93. |
|
Francfort
(sur le Main) |
Inchoamus
hanc, quod nostrum breviarium et ordinarium officiorum per
institucionem novarum festivitatum amplius non mutetur, nisi per sedem
apostolicam aliquod novum festum fuerit institutum, quod odo noster
decreverit acceptare. |
Acta,
III, p. 93. |
|
|
De
sanctificatione virginis gloriose fiat festum sub toto duplici cum
officio de nativitate eiusdem, mutato nomine eiusdem nativitatis in
nomen sanctificacionis, donec per reverendissimum magistrum ordinis de
speciali officio fuerit provisum ; et hoc medio tempore
observetur. |
Acta,
III, p. 93. |
|
|
Approbamus
hanc, quod festum visitacionis virginis, quando visitavit eam
Elyzabet, celebretur sub toto duplici die .ii. iulii et eiusdem festi
octave celebrentur iuxta rubricam octavarum corporis Christi cum
omnibus clausulis secundum quod in actis capituli generalis immediate
precedentis Veneciis celebrati extitit ordinatum, et hoc medo tempore
observetur. |
Acta,
III, p. 93-94. Confirmé en 1401. |
|
|
Item
confirmamus hanc, quod quandocumque fit officium de beata virgine,
ante gloria tibi domine in singulis eiusdem metri ympnis
dicatur immediate Mater mater gracie. |
Acta,
III, p. 94. |
|
|
Concedimus
fratribus provincie Anglie, quod possunt festum sancti Andree apostoli
sub toto duplici celebrare. |
Acta,
III, p. 100. |
|
Udine |
Confirmamus
hanc, quod festum virginis gloriose, quando visitavit Elizabeth,
celebretur sub toto duplici secundo die iulii et eiusdem festi octave
celebrentur iuxta rubricam octavarum corporis Christi (...). In
octavis autem apostolorum fiat festum simplex cum memoria de festo
visitacionis. In crastinum vero dicti festi fiat memoria de sanctis
martiribus Processo et Martiano ; et die .xi. dicti mensis fiant
de beato Procopio III lectiones ; et in die .xii. si vacaverit,
fiat anniversarium sepultorum in cimiteriis nostris ; et hec
habet tria capitula et debet notari in ordinario et in aliis libris,
prout fuerit expediens. |
Acta,
III, p. 104. |
|
Erfurt |
Primo
inchoatum est, quod de festivitatibus sancti Antonii abbatis et XI
millium virginum fiat totum duplex. |
Acta, III, p. 110. Approuvé à Nuremberg, 1405. |
|
Nuremberg |
(...)
Cantores autem diligenciam apponant, quod divinum officium diurnum cum
nota ordinis cantetur cum debita in medio versuum pausa, nima
festinacione semota ; discrepantesque vel non cantantes corrigant
et emendent atque proclament. (...)
|
Acta,
III, p. 116. |
|
Bologne |
Quod
de beato Petro martire celebretur festum translacionis eiusdem in
crastino sancti Iohannis ante portam latinam, et fiat totum duplex. |
Acta,
III, p. 134. |
|
|
De
festivitatibus undecim millium virginum et sancti Antoni abbatis fiat
festum totum duplex. |
Acta,
III, p. 135. |
|
|
In
ordinario de officio beati Dominici feria secunda faciendo, ubi
dicitur, quod missa, sicut in festo simplici dicatur, addatur sic :
additis quatuor postremis versibus sequencie post ultimum alleluia,
vel post graduale, quando alleluia non cantatur. |
Acta,
III, p. 137. |
|
Strasbourg |
In
primis inchoamus, quod de apparicione sancti Michaelis archangeli sub
nomine angelorum fiat totum duplex die 8a maii, quemadmodum
in Italia observatur ; et fiat officium de festo dedicacionis
eiusdem, ut est in breviario annotatum. |
Acta,
III, p. 148. |
|
Fribourg
[en Brisgau] |
In
primis declaramus, quod de apparicione beati Michaelis sub festo toto
duplici et officio dedicationis eiusdem cum primis psalmis et tribus
responsoriis et alleluia uniformiter per ordinem nostrum est
sollempnitas celebranda VIII idus maii. (confirmé à Metz, 1421 ;
Pavie, 1423) |
Acta,
III, p. 160-161. |
|
Metz |
Item.
Quod de festo omnium sanctorum fiant octave cum antiphona ad
magnificat et benedictus de festo et lectionibus de communi sanctorum,
et responsoriis ac versibus de festo more aliarum octavarum, die
commemoracionis omnium defunctorum, in quo fiat officium de mortuis
dumtaxat excepto, festum vero quatuor coronatorum, quod in octavis
dicti festi occurrit, ad vigiliam sancti Martini tranferatur. (confimé
à Pavie, 1423) |
Acta,
III, p. 164. |
|
Pavie |
De
sancto Laurencio et Martino, quorum quilibet habet solemnes octavas,
fiat festum duplex. |
Acta,
III, p. 180. |
|
|
De
festo omnium Sanctorum fiant octavae cum antiphona ad Benedictus et
Magnificat de festo, et leciones de communi sanctorum, similiter
responsoria et versus de festo, more aliarum octavarum, die
commemoracionis defunctorum duntaxat excepto. Festum vero quatuor
coronatorum, quod in octavis die festi occurrit, ad vigiliam sancti
Martini transferatur. |
Acta,
III, p. 180. |
|
|
De
festo X. millium martyrum fiat festum novem lectionum de communi
plurimorum martyrum in vigilia vigilie beati Ioannis Baptiste. |
Acta,
III, p. 180. |
|
|
De
sancta Barbara virgine fiat festum trium lectionum die quarta
decembris. |
Acta,
III, p. 180. |
|
|
Quod
in litaniis post clausulam : a damnacione perpetua dicatur
sub alia peticione : a subitanea et improvisa morte, libera
nos domine. |
Acta,
III, p. 180. |
|
|
In
missa conventuali, dum dicitur in prefacione : gracias agamus
domino deo nostro, similiter ad versum : o crux, ave spes
unica, fratres in choro caput reventer inclinent, sicut fieri
debet, quando nomen Iesu vel Marie, matris eius nominatur. |
Acta,
III, p. 180-181. |
|
Colmar |
Declaramus,
quod de apparicione beati Michaelis sub festo toto duplici et officio
dedicationis eiusdem cum primis psalmis et terciis responsoriis, et
alia uniformiter per ordinem est solemnitas celebranda, festumque
visitacionis beate virginis secunda iulii cum octavis, ubi hactenus
est assuetum, solemniter celebretur ; si vero festum simplex
infra octavam corporis Christi occurrerit, propter octavarum
indulgencias in sequenti feria vacanti debet celebrari. |
Acta,
III, p. 238. |
|
|
Item.
Pro tempore pascali in festis duplicibus memoria de cruce
pretermittitur, in quibus tamen per annum de sanctis kalendario
assignatis memoria est habenda, scilicet in festo Iacobi, Laurencii,
Martini, ac in ipso pascali tempore, cum de beata virgine vel beato
Dominico agitur, primi psalmi et benedicamus domino cum alleluia
duplici in matutinis et vesperis debent dici. |
Acta,
III, p. 238-239. |
|
|
Item.
Quod ad Salve Regina dum cantatur post completorium, fratres
genuflectendes, dicto Salve vel Ave, statim surgere, et
hii, qui inceperint, debent solum reverenter post inchoatam antiphonam
inclinare. |
Acta,
III, p. 239. |
|
Montpellier |
(...)
volumus et ordinamus (...) quod verbum dei devote et ferventer
studeant predicare, omissis fabulis et histrionalibus et cantibus ac
representacionibus et huiusmodi levitatibus (...) |
Acta,
III, p. 263. |
|
|
In
primis denunciamus fratribus nostri ordinis universis, quod
sanctissimus dominus noster Calistus, divina providencia papa tercius,
anno proxime videlicet MCCCCLV (...) beatum virum magistrum Vincencium
Ferrerii de Valencia ordinis nostri canonizavit et sanctorum in
celesti curia tirumphancium catalogo adscripsit (...) Et volumus et
mandamus, quatenus in singulis conventibus nostri ordinis festum eius
celebretur die quinta aprilis ; pro qua in chalendario ubique
ponatur et de eo fiat officium sub toto duplici cum hymnis et
antiphonis et responsoriis, prout in presenti capitulo magistro
ordinis fuit commissum, et in litania immediate post sanctum Thomam
nominetur ; fiat quoque de ipso memoria per totum annum sicut de
aliis sanctis ordinis nostri. |
Acta,
III, p. 263-264. |
|
Sienne |
Inprimis
inchoamus hanc, quod de festo beati Blasii martiris fiat per totum
ordinem nostrum festum simplex ; adiicientes, quod si festum
trium lectionum in sabbato vel dominica vel in tercia feria evenerit,
si infra dies octo immediate sequentes celebrari non poterit, de eo
tantum memoria in die, quo evenerit, fiat. Et quia per tria capitula
generalia ita ordinatum est, ideo id in ordinario nostro annotari
debere determinamus. (et Novara, 1465) |
Acta,
III, p. 280. |
|
Novara |
Quod
de festo transfiguracionis domini fiat totum duplex per totum ordinem
in crastino scilicet beati patris Dominici id est sexta die mensis
augusti (...) |
Acta,
III, p. 292. |
|
Rome |
Inprimis
inchoamus et volumus, ut in singulis nostri ordinis conventibus in
martyrologiis nostris nonis aprilis natalis beati Vincencii
confessoris scribatur hoc modo (...). Festum totum duplex. |
Acta,
III, p. 301-302. |
|
|
Item.
Ne devocio fratrum amittatur et studium eorum minime negligatur,
statuentes inchoamus et volumus, ut consuete memorie ordinis de beate
virgine et de sancto patre nostro Dominico solito more in matutinis et
vesperis dicantur. Relique vero memorie sanctorum nostrorum in cursu
beate virginis dicantur, necnon et sequentes antiphone in matutinis et
vesperis de tempore cum suis versiculis et oracione cum nota post
memoriam beati patris nostri Dominici cantentur. Ad vesperas antiphona :
Christi pia gracia sanctos sublimavit, quod patris Dominici ordo
propagavit, nos eorum meritis petimus iuvari atque suis precibus deo
commendari. Vers. : Predicatores incliti, sanctitate
mirifici, pro nobis intercedite. Resp. :
Ut digni efficiamur promissionibus Christi. In laudibus
antiphona : O quam felix gloria semper est sanctorum, quam
preclara sunt merita predicatorum, quorum verbo et opere mundus
decoratur, eorumque munere mens consolidatur. Vers. : Exultabunt
sancti in gloria. Resp. : Letabuntur in cubilibus suis.
Oracio : Deus, qui ecclesiam tuam sanctorum tuorum Petri,
Thome, Vincencii et Catharine meritis illustrare dignatus es et
doctrinis, presta, quesumus, ut eorum semper intercessionibus
adiuvemur, quorum commemmoracione letamur. Per dominum nostrum. |
Acta,
III, p. 302. |
|
Avignon |
In primis quia tante sunt sanctitates et devociones sanctorum nostri ordinis, quod merito eorum continua invocacione auxilium divinum sperare possimus, statuimus, quod de b. Dominico, Petro martyre, Thoma ac Vincencio Ferrerio fiant memorie singulares, sicut hactenus per priscos patres nostros devotos in vesperis et mattutinis actum est. De b. vero Catharina Senensi fiant tantum memoria per octavas suas. |
Acta,
III, p. 321. |
|
Bâle |
Officium
compositum a papa Pio de sancta Katerina de Senis, quod incipit
« Immortali laude » ordo acceptavit et per totum ordinem
ipsum teneri, haberi et cantari mandat reprobando quocumque aliud de
ipsa sancta officium compositum. |
Acta,
III, p. 330. |
|
Rome |
Item.
Quod festum beati Dionysii et sociorum eius celebretur sub toto
duplici. |
Acta,
III, p. 331. |
|
Pérouse |
In
primis approbamus hanc de octavis corporis Christi domini nostri, ut
ob populi devocionem, indulgenciarum obtencionem et ceteris
ecclesiasticis conformitatem fiant omnino paschales (...) (confirmé
à Rome, 1481) |
Acta,
III, p. 334. |
|
|
Item.
Hanc de memoriis sanctorum nostri ordinis, ut iam est in locis
pluribus introductum, quatinus in toto ordine uniformitas observetur,
quod ad Benedictus fiet de eis memoria per antiphonam O quam
preciosa felix gloria semper est sanctorum, quam preclara merita sunt
predicatorum, quorum verbo et opere mundus decoratur, eorumque munere
mens consolidatur cum versu exultabunt sancti in gloria et
resp. et letabuntur in cubilibus suis et oracione : Concede,
quesumus, omnipotens deus (...) Ad magnificat autem per antiphonam :
Christi pia gracia sanctos sublimavit, quos patris Dominici ordo
propagavit, nos eorum meritis petimus iuvari atque suis precibus deo
commendari cum versu Sapienciam sanctorum narrant populi et
responsorio et laudem eorum nunciat ecclesia cum oracione
prefata. |
Acta,
III, p. 336. |
|
Rome
1481 |
In
primis inchoamus hanc quod die VIII decembris fiat festum conceptionis
beate virginis sub toto duplici. |
Acta,
III, p. 355. |
|
Rome
1484 |
Inchoamus
hanc, quod in festis sanctorum, qui celebrantur per diversas
provincias, conventus nostri conforment se matrici ecclesie, si festum
servatur a populo ; sicut est festum cathedre sancti Ambrosii
episcopi in Italia, quod volumus sub festo duplici celebrari, et
division apostolorum, cuius festum in aliquibus provinciis celebratur.
(confirmé en 1491) |
Acta,
III, p. 376. |
|
Le
Mans |
In
primis inchoamus hanc, quod de sancta Appolinia virgine et martire
fiant tres lectiones et de sancto Servacio festum simplex. (confirmé
en 1494) |
Acta,
III, p. 394. |
|
|
Confirmamus
hanc, quod de illis sanctis, qui non habent nisi memoriam, fiat festum
trium lectionum, nisi cum alio festo trium lectionum occurrerit vel
mariore, et tunc tantum memoria de eo fiat ; et hec habet tria
capitula. |
Acta,
III, p. 394. |
|
|
Confirmamus
hanc, quod de festo sanctificationis beate Marie virginis fiat sub
toto duplici officium ; et hec habet tria capitula generalia. |
Acta,
III, p. 394. |
|
|
Confirmamus
hanc, quod in prima tercia feria post historiam « domine ne in
ira » si omnino fuerit vacans, fiat de feria ; et hec habet
tria capitula. |
Acta,
III, p. 394. |
|
|
Confirmamus
hanc, quod in conventu sancti Eustorgii de Mediolano procincie
Lomnardie superioris in qualibet quinta feria, in qua festum simplex
vel maius non occurrerit, fiant tres lectiones de sancto Petro martire ;
similiter in provincia Provincie de sancta Maria Magdalena ; idem
fiat in provincia Tholosana et regni Sicilie de sancto Thoma ; et
hec habet tria capitula generalia. |
Acta,
III |
|
Ferrare |
Itam
inchoamus hanc : de apostolis, evangelisitis et quatuor
doctoribus et de sancta Katerina martire fiat totum duplex. (confirmé
en 1498) |
Acta,
III, p. 416. |
|
Ferrare |
Inchoamus
hanc, quod festum divi Vincencii confessoris nostri ordinis utrasque
vesperas habeat, non obstante, quod festum beati Ambrosii
concomitetur, de quo fiet tantum memoria in primis vesperis sancti
Vicencii. |
Acta,
III, p. 423. |
|
|
Confirmamus
quod de sancta Appollonia fiat festum trium lectionum. Et de sancto
Servacio fiat festum simplex. Et hec habet tria capitula generalia. |
Acta,
III, p. 424. |
|
|
Confirmamus
hanc quod in festis sanctorum nostri ordinis dicatur credo, non autem
in translacionibus eorumdem. Et hec habet tria capitula generalia. |
Acta,
III, p. 424. |