|
BERLIN, Staatsbibliothek Preussischer
Kulturbesitz (D-B) Phillipps 1694, f. 70va-b (Be)
REIMS, Bibliothèque municipale (F-RS), 1275, f. 137r-v (Re)
|
|
|
Edition : Klaus-Jürgen Sachs, Mensura
fistularum. Die Mensurierung der Orgelpfeifen im Mittelalter. Teil I: Edition
der Texte, Teil II: Studien (Stuttgart-Murrhardt, 1970-1980; Schriftenreihe
der Walcker-Stiftung, 2-3), Teil I, p. 130.
|
|
|
1 Arbitrii lima formetur fistula prima.
2 Diametri octavam cui cum subtraxeris unam,
3 Post sint ter ternae, sed partes octo secundae.
4 Par facias deutrae propter modulamina tritae.
5 Diametri tritam facias amittere primam,
6 Partes bis binae dant tres exinde tetrardae,
7 Sicque scias plane diatessaron has resonare.
8 Diametri media privetur fistula prima,
9 Post tres particulas facias, sed quinta gemellas
10 Accipit, ut grate possit diapente sonare.
11 Sit causa sextae similis mensura secundae.
12 Tertia non aliam tibi fert, o septima, normam.
13 Diametri tritam iubeo dimittere quartam,
14 Post tetra, de spatiis tria tu, synemmenon, habebis,
15 Et lateri sextae dextrorsum semper adhaere;
16 Septima nam certe succedit in ordine post te,
17 Cum qua tu nullam temptes componere neumam.
18 Quae postponuntur facili ratione reguntur:
19 Diametrum plenum praemittat quaeque priorum,
20 Hinc partes binae plectrum signentur adusque,
21 Sed sibi particulam socialis vendicet unam.
22 Sic gravibus iunctae resonant diapason acutae;
23 Istis litterulas satis est superaddere ternas;
24 Tunc tantum hoc fiat, quando longissima poscat.
|
|