|
Edition : Christian Meyer, Mensura
monochordi. La division du monocorde (IXe-XVe siècles) (Paris: Société
française de Musicologie, Éditions Klincksieck, 1996; Publications de la
Société française de Musicologie, II,xv), p. 54.
|
|
|
Dividatur tota tabula in quatuor et habebis prolambanomenos, lychanos
ypaton, mese, nete yperboleon.
A nete yperboleon, totum quod restat spacium in octo dividens, et octavam
remittens habebis paranete yperboleon.
Item a paranete hyperboleon totum reliquum spacium in octo dividens, et
octavam remittens habebis trite yperboleon, secundum scilicet tonum.
Item a nete yperboleon, reliquum monocordum in tria divide, terciamque partem
remitte, et habebis diatessaron inferius scilicet ad nete diezeugmenon.
Item a nete yperboleon, reliquum monocordi in duo aequa divide, et medietatem
remittens habebis diapente scilicet ad paranete diezeugmenon.
Quod si a trite yperboleon diatessaron remiseris, habebis trite diezeugmenon.
Si autem diapente, habebis trite sinemmenon.
Quod si a nete diezeumenon diatessaron remiseris, habebis paramese.
Ecce octo superiores corde monocordi sumptae sunt.
Octo graviores ab eis sumuntur hoc modo :
A paranete yperboleon remitte diapason, et habebis lychanos meson.
Nam mese iam sumptum est.
A trite yperboleon remitte diapason, et habebis parypate meson.
Ita de ceteris.
|
|