|
Edition : Christian Meyer, Mensura
monochordi. La division du monocorde (IXe-XVe siècles) (Paris: Société
française de Musicologie, Éditions Klincksieck, 1996; Publications de la
Société française de Musicologie, II,xv), p. 24-25.
|
|
|
Primum divide monochordum per quatuor a magdala usque ad magdalam.
Hoc diligenter facto, quattuor partium primam a dextra incipiens ad sinistram
versus in octo partes duces, et illic primum .F. ponas.
Dehinc superadicies octavae nonam eiusdem mensurae et illic .E. collocabis.
Tunc iterum a principio eandem repetens mensuram ad .E. octo partium mensurae
paritate repetita, superadicies eiusdem partem mensurae nonam, et illic dabis
.D. locum.
Deinde iterum a principio repetens unde primum mensurando profectus es,
divide illud quod dictum est, hoc est tocius monachordi quartam partem in III
usque ad .F. primum eiusdem mensurae equali parte quarta superaddita .F.
littere, id est per sesquiterciam proporcionem quod <est> per
diatesseron consonanciam, et illic .C. ponas.
Postea dabis mensuram ad .B., sive per .E. IIII superatam sive per .F. tercio
in medium ductam, sive per .C. octies collectam, et nona eiusdem partis
equali mensura superadiecta.
Rursus ad .A. per octavam .B. nona iterum parte addita, vel per .D.
triplicatam et tercia parte addita .A. collocabis, vel per medium .E. eandem
mensuram factam considerabis.
Rursus ad .G. maius per .C. tercium mensurabis, ad .G. autem minus per
octavam .A., vel per medium .D., ut in superioribus monstratum est, mensura
recta sine obliquitate profertur.
Item ad .F. primum, vel per duplum alterius .F. quod secundum dicitur, vel
per medium .C., vel per tercium .B., vel per octavam maius .G. mensura
procedit.
Aliter .E. per octavam .F., quae prima est,
.D. per octavam .E.,
.C. per terciam .F.,
.B. per octavam .C., vel per terciam .E., vel per medium .F.,
.A. per octavam .B., vel per terciam .D., vel per mediam .E.,
.G. maius per terciam .C.,
.G. minus, vel per octavam .A., vel per medium .D.,
.F., vel per duplum .F. alterius, vel per medium .C., vel per tercium .B.,
vel per octavum .G. <mensurabis>.
|
|
|
Tunc .E. in secundo ordine, vel per duplum alterius .E., vel per medium
.B., vel per terciam .A., vel per octavam .F. mensurabis.
Tunc .D., quod est in eodem ordine, id est in secundo, vel per duplum
alterius .D., vel per medium .A., vel per terciam minoris .g., vel per
octavam secundi .E. mensurabis.
Hinc .C., vel per duplum alterius .C., vel per medium primi maioris .G., vel
per tercium primi <.F.> mensurabis.
Post hoc <.B.>, vel per duplum alterius <.B.>, vel terciam primi
<.E.>, vel per octavam <.C.> mensurabis.
Hinc .A., vel per duplum alterius, vel per medium <.E.>, vel per
terciam <.D.>, vel per octavam <.B.> mensurabis.
<.G.> vero maius, vel per duplum alterius <.G.>, vel per terciam
<.C.> mensurabis.
<.G.> autem minus, vel per duplum alterius <.G.>, vel per octavam
<.A.> mensurabis.
Tunc <.F.> tercium, quod est in ordine novissimum, vel per duplum
secundi <.F.>, vel per quadruplum primi <.F.>, vel per medium
<.C.>, vel per terciam <.B.>, vel per octavam <.G.>
mensurabis.
|
|